إزاي تسجل على موقع عيادة كمريض؟

التسجيل على عيادة سهل قوي، وبدل ما تلف على الدكاترة والمستشفيات، هتلاقيهم هما اللي بيلفوا وراك في كل حتة، وده بمجرد ما بتسجل صفحة على المنصة بشوية خطوات سهلة وبسيطة وهي:

• هتدخل على رابط التسجيل في منصة عيادة من هنا
• اختار “التسجيل كمريض”.

• دخل بياناتك كلها صح، وإيميل يكون شغال وباسوورد سهلة تفتكرها.

• متنساش الباسوورد متقلش عن 8 حروف لازم حرف منهم كابيتل ويكون بينهم رمز زي مثلًا Asd@1234
• هتعلم على مربع الموافقة على الشروط والأحكام وتدوس على كلمة register

• الموقع هيتأكد أن الإيميل ده موجود فعلًا برسالة هيبعتهالك عليه فيها لينك تحقق verify دوس عليه.

• مبروك أنت كده بقيت مسجل على الموقع فعلًا.

دلوقتي نقدر نكمل في استخدام الموقع من جوه:

• بعد ما تدخل هتظهر لك صفحة بتجمع كل تاريخك المرضي ، اسم دكتورك والتشخيص اللى قاله والروشتة اللي كتبها وتعرضهم وقت ما تحب.

• الصفحة تقدر تتحكم فيها بسهولة، ولو دكتورك نسي يضيف دوا أو تشخيص فيها تقدر تضيفه أنت بسهولة.

• لو لسه مضفتش اسم الدكتور، اضغط على كلمة الأطباء من القائمة الجانبية، واختار اسم دكتور من الموجودين.

• إذا اسم الدكتور مش موجود الموضوع سهل جدًا تقدر تضيفه بالإيميل.

• مش بس تقدر تضيف الدكتور والأدوية تقدر كمان تضيف التحاليل والأشعة اللي عملتها وترفع صورة منها.
• برضه إذا اسم المعمل أو مركز الأشعة مش موجود ممكن تضيفه زي اسم الطبيب بالايميل بمنتهى السهولة.